راح احط عشر شخصيات
وبدي من كل واحد منكم يمسك اي شخصيه
ويحكي لو تعامل معها كيف ح تكون طبيعة التعامل !!!!
وازا تعاملت مع واحد من هدول قبل هيك
شو كانت ردات افعالك ع تصرفاتو
وشو موقفك منه الان !!!
بعدين
احكو الشخصيه الي بتحبو تتعاملو معها
بحياتكم وهل هي موجوده ولا مفتقدينها ؟؟!
وهل اي شخصيه او اي خصله موجوده فيك !!
ولو اه كيف بتحس الناس بتعاملك نتيجة هل خصله هادي ؟؟
******************
الشخصيه الاولى :
انسان بسيط جدا بحياته وبالتعامل
بس سيء الاخلاق رغم تعامله البسيط
الشخصيه التانيه :
انسان دكتاتوري ومتسلط متعصب لرأيه
ما بقبل النقاش او الانتقاد دائما هو صح
والي قدامو خطأ
مع ذلك بتعاملمع الي قدامو باحترام و بأدب طول
ما هو بعيد عن فكرو وما قرب ع طرفو
الشخصيه التالته:
انسان مصلحجي اليوم صاحبك بكرا من ألد اعدائك
الشخصيه الرابعه :
انسان محبوب كل الي بتعامل معه بيحبو
بس حقود وما بفصح عن الي بقلبو
الا وقت اللزوم يعني قدامك بحبك
ولطيف معك بس لما يتعرض لاقل
مشكله بتكتشف انه حامل بقلبو عليك
كبشات
الشخصيه الخامسه :
انسان خلوق ومؤدب ودمه سكر لكنه انطوائي
وما بحب تكوين اي علاقه وما بثق بحد ابدا ًَ
الشخصيه السادسه :
انسان غدار بوجهك بضحكلك
ولما تلف ظهرك ببلش خرط الباتنجان فيك
واول ما تجيلو فرصه انه يغدر فيك
ويفضح سرك ما بقصر
الشخصيه السابعه :
انسان صاحب سلطه ومكانه مرموقه
لكنه مغرور وعلاقاته محدوده بالطبقه
الي هو بعيش فيها بترفع عن التعامل
مع من هم اقل منو مكانه اجتماعيه
لكنه خدوم جدا لاصدقائه
الشخصيه الثامنه :
انسان مجامل لأبعد الحدود بحرص
على رضى الناس لدرجه كبيره حتى لو
كان ع حسابو وع حساب حياتو وراحتو
ما بحكي الصراحه ابدا ً خوفا من انه
حد يزعل منه
الشخصيه التاسعه :
انسان صريح جدا ما بهمه حد
المهم يحكي الي بقلبو ولو جامل بحس حالو
كذاب وعفوي بالتصرف مع الاخرين
الشخصيه العاشره :
انسان غيور لو يشوف معك شي حلو
او صارلك موقف لطيف بتطق عينه
وممكن توصل لدرجة الحسد او انه يخرب عليك
مع هيك بحبك وبتمنى يصير متلك لكن مش طالع
بأيدو يعني عامل زي الي
بقدرش يوصل للنجوم ف بحط من مكانتها
يللا انتشرو
وسلاموز بالموز والسكر
_______________________________
ولكم خلصت
الأحد يونيو 28, 2009 2:38 am
